Hreinsun þjóðvega á Suðursvæði 2021-2023 (EES)
Vegagerðin óskar eftir tilboðum í hreinsun þjóðvega á Suðursvæði 2021-2023. Verkið fellst í sópun meðfram kantsteinum og vegriðum, sópun hvinranda ásamt hreinsun grassvæða meðfram þjóðvegum með vélsópum, sugum og öðrum tækjum sem henta þykir.
Helstu magntölur fyrir hvert ár eru:
- Sópun meðfram kantsteinum 339.411 m
- Sópun meðfram vegriði 53.155 m
- Sópun meðfram miðjuvegriði 68.662 m
- Þvottur og sópun hvinranda 159.706 m
- Þvottur á gatnamótum og umferðareyjum 34.340 m2
Verkinu skal að fullu lokið 30. mars 2023. Heimild er til framlengingar samnings í allt að tvö ár, eitt ár í senn.
Útboðsgögn eru aðgengileg og verða afhent í rafræna útboðskerfinu TendSign frá og með fimmtudeginum 25. september 2020 og skal tilboðum skilað rafrænt í því útboðskerfi fyrir kl. 14:00, þriðjudaginn 27. október 2020.
Sérstakur opnunarfundur verður ekki haldinn, en eftir lok tilboðsfrests verður bjóðendum tilkynnt um nöfn bjóðenda í útboðinu og heildar tilboðsupphæð.
Leiðbeiningar fyrir útboðsvefinn TendSign.
Útboðið er auglýst á Evrópska efnahagssvæðinu (EES).
