Upphéraðsvegur (931), Skeggjastaðir-Teigaból
Vegagerðin undirbýr lagfæringar á Upphéraðsvegi á milli Skeggjastaða og Teigabóls. Um er að ræða styrkingu á núverandi vegi og lagningu bundins slitlags á um 3 km löngum kafla.
Einnig verða vegfláar lagfærðir, ræsi lengd og tveir skurðir grafnir meðfram veginum, samtals 640 m.
Efni í framkvæmdina verður tekið úr 3 námum, samtals um 11.000 m3. Námurnar eru við Skeggjastaði, Gilsá og Jökulsá í Fljótsdal.
Á meðfylgjandi teikningu má sjá framkvæmdasvæði og staðsetningu efnistökustaða.
Gera má ráð fyrir minni háttar töfum á meðan á framkvæmd stendur. Tilboð í verkið voru opnuð 15. júní 2011 og á verkinu að vera lokið fyrir 1. september 2011.