Umferðarþjónusta - Tilkynning - 9.3.2018

Færð og aðstæður

Vegir eru greiðfærir á Suður- og Suðvesturlandi en á Vesturlandi eru vegir víðast greiðfærir eða í hálkublettum.

Hálka eða hálkublettir eru allvíða á Vestfjörðum. Þæfingsfærð og skafrenningur er á Steingrímsfjarðarheiði.

Á Norðurlandi vestra eru vegir að miklu leyti auðir en þar fyrir austan hefur éljað og er víðast hvar hálka eða snjóþekja. Þungfært er í Héðinsfirði og í Dalsmynni en þæfingur á Hólasandi. Snjóþekja er á Mývatns- og Möðrudalsöræfum en þæfingur á Vopnafjarðarleið og Fagradal. 

Hálka eða snjóþekja er á flestum vegum á Austurlandi, vegir með suðausturströndinni eru að mestu leiti greiðfærir en hálkublettir eru í Eldhrauni.

Skemmdir á slitlagi

Eftir veðurfarið að undanförnu hefur mikið borið á slitlagsskemmdum á vegum. Á þessum árstíma er aðeins hægt að bregðast við með ófullkomnum bráðabirgðaviðgerðum og því eru vegfarendur beðnir að sýna sérstaka aðgát við þessar aðstæður.