Umferðarþjónusta - Tilkynning - 8.2.2019

Lokanir á Austurlandi:

Vegurinn um Fagradal er lokaður og verður ekki opnaður í kvöld vegna veðurs og snjóflóðahættu.
Vegurinn um Fjarðarheiði er lokaður og verður ekki opnaður í kvöld vegna veðurs.
Vegurinn um Mývatns- og Möðrudalsöræfi er lokaður og verður ekki opnaður í kvöld.
Vegurinn um Hvalnesskriður er lokaður vegna snjóflóðs.
Athugað verður með opnanir í fyrramálið. 

Frá veðurfræðingi

8. feb. kl. 11:10

Annar bakki úr norðri stefnir á landið N- og A-vert  fyrir kvöldið. 14-20 m/s, skafrenningur og hríðarveður með köflum fram á nótt frá Holtavörðuheiði, norður og austur um á S-verða Austfirði. Lægir heldur í Öræfum eftir hádegi, en aftur hviðuveður í fyrramálið.

Færð og aðstæður

Suðvesturland: Víðast hvar greiðfært en hálkublettir á nokkrum vegum. Hálkublettir og skafrenningur er á Mosfellsheiði en óveður er á Kjalarnesi.

Vesturland: Hálka, hálkublettir eða snjóþekja og sumstaðar skafrenningur.

Vestfirðir: Hálka, hálkublettir eða  snjóþekja er á vegum og éljagangur eða skafrenningur mjög víða. Mjög blint er á Steingrímsfjarðarheiði, Þröskuldum sem og við Króksfjarðarnes.

Norðurland: Víðast hálka eða snjóþekja og mjög víða skafrenningur. Ófært er um Víkurskarð

Norðausturland: Snjóþekja eða hálka og víðast hvar skafrenningur. Þæfingsfærð er í Bakkafirði og þungfært er orðið innansveitar í Vopnafirði sem og á Brekknaheiði. Ófært er um Hófaskarð og Hálsa en lokað er um Mývatns- og Möðrudalsöræfi sem og á Hólasandi.

Austurland:  Víðast hvar hálka eða snjóþekja, og sumstaðar skafrenningur en hvasst er með ströndinni sunnan Breiðdalsvíkur. Þæfingur er í Hvalnesi en víða er þæfingur eða þungfært á útvegum á Héraði. Ófært er í Skriðdal, Hróarstungu og á Vatnsskarði eystra en lokað er á Fjarðarheiði, á Fagradal og í Hvalnesskriðum.

Suðausturland: Hálkublettir eða hálka víðast hvar og sumsstaðar skafrenningur. Hvasst  er nokkuð víða.

Suðurland: Hringvegurinn er nánast auður en sumstaðar er nokkur hálka eða hálkublettir á öðrum vegum. Skafrenningur er Lyngdalsheiði.