Umferðarþjónusta - Tilkynning - 7.12.2017

Ábendingar frá veðurfræðingi kl: 14:00

Litur gulur.

Hvöss norðvestanátt með éljalofti og skafrenningi frá Höfn til norðurs að Vopnafirði. Hvassast er í Hamarsfirði, en blint getur verið á köflum í skafrenningi á fjallvegum á Austfjörðum og Austurlandi.

Færð og aðstæður

Það er hálka, hálkublettir eða snjóþekja á vegum á Suður- og Vesturlandi og skafrenningur á Hellisheiði og Þrengslum.

Á Vestfjörðum er hálka eða snjóþekja á flestum leiðum. Ófært er norður í Árneshrepp. 

Hálka eða hálkublettir eru á vegum  á Norðvesturlandi en á Norðausturlandi er hálka og víða er éljagangur og skafrenningur. Ófært er á Dettifossvegi.

Á Austurlandi er ófært um Fagradal þar er veður mjög slæmt. Stórhríð og snjóþekja er á Möðrudalsöræfum, á Fjarðarheiði er þæfingur og stórhríð, þungfært er upp að göngum Eskifjarðar megin og stórhríð og þungfært í Fannadal annars er hálka eða snjóþekja með miklum skafrenningi á flestum öðrum leiðum. Ófært er á Öxi og Breiðdalsheiði.
Snjóþekja eða hálka er með suðausturströndinni og mjög hvasst og sumstaðar skafrenningur.

Vinna á Miklubraut í dag 7. des.

Unnið er í dag þriðjudaginn 7. desember frá kl. 09:15 og fram eftir degi við að taka niður öryggisgirðingar á Miklubraut milli Réttarholtsvegar og Grensásvegar.

Hraði um vinnusvæðið er lækkaður í 50 km/klst. og eru vegfarendur beðnir að sýna aðgát og virða merkingar.

Tafir

Það verða tafir á vegi 31 Skálholtsvegi við Hvítárbrú við Iðu 7. desember frá kl.16:00 til 19:00

Breiðafjarðarferjan Baldur

Breiðafjarðarferjan Baldur er í viðgerð og  á meðan er vetrarþjónusta við suðurfirði Vestfjarða lengd til klukkan 20:00.