Umferðarþjónusta - Tilkynning - 7.11.2018
Færð og aðstæður
Vesturland: Það eru hálkublettir á Laxárdalsheiði en þoka á Holtavörðuheiði, Laxárdalsheiði og á Fróðárheiði.
Vestfirðir: Hálkublettir eru á nokkrum fjallvegum. Dynjandisheiði er enn ófær.
Norðurland: Þar eru hálkublettir á nokkrum leiðum. Þoka er á Öxnadalsheiði, Þverárfjalli og í Hrútafirði.
Norðausturland: Hálka eða hálkublettir eru á nokkrum leiðum og þoka á flestum fjallvegum.
Austurland: Þar eru víða hálkublettir en hálka á Vatnsskarði eystra, Breiðdalsheiði og Öxi.
Umferðartafir á Öxnadalsheiði
Vegna vinnu við þjóðveg 1 um Öxnadalsheiði verða umferðartafir þar fimmtudaginn 8.nóv frá klukkan 11:00 í 3 – 4 tíma.
Framkvæmdir á Grindavíkurvegi
Það standa yfir framkvæmdir á Grindavíkurvegi, milli afleggjara að Seltjörn og Bláa Lónsins. Verið er að breikka veginn og þarf á hluta framkvæmdatímans að mjókka hann töluvert. Unnið er á einni akrein í einu og umferðarhraði tekinn niður. Búast má við einhverjum umferðartöfum en áætluð verklok eru í árslok 2018.
Framkvæmdir á Esjumelum
Verið er að byggja hringtorg á Esjumelum við Norðurgrafarveg og auk þess er unnið þar að undirgöngum fyrir gangandi ásamt tilheyrandi vega- og stígagerð. Umferð um Vesturlandsveg er beint um hjáleið framhjá vinnusvæðinu. Hámarkshraði um framkvæmdasvæðið er 50 km/klst.
Aukin þjónusta á Hrafnseyrarheiði
Vegna framkvæmda við Dýrafjarðargöng verður tímabundið aukin vetrarþjónusta á Hrafnseyrarheiði í tvær til þrjár vikur. Á Dynjandisheiði verður minni þjónusta. Vegfarendur eru beðnir um að athuga færðarskráningu áður en lagt er af stað.
Hálendið
Engin þjónusta er á hálendisvegum á þessum árstíma og færð þar er ekki könnuð. Vegfarendur eru beðnir að hafa það í huga áður en farið er inn á hálendið.
