Umferðarþjónusta - Tilkynning - 6.6.2017
Færð og aðstæður
Hálkublettir eru á vegi á Möðrudalsöræfum, krapi er á kafla á Hólssandi og snjóþekja á Hellisheiði eystri.Malbikun á Höfuðborgarsvæðinu
Í dag, þriðjudaginn 6. júní er stefnt að því að fræsa og malbika eina akrein á Vesturlandsvegi til austurs frá Höfðabakkabrú. Akreinin verður lokuð og má búast við lítilsháttar umferðartöfum á milli kl. 8:00 og 14:00.
Einnig er stefnt að því að fræsa Fjarðarhraun í Hafnarfirði, frá Stakkahrauni og fram yfir gatnamót við Hjallahraun. Kaflanum verður lokað og má búast við lítilsháttar umferðartöfum milli kl. 13:00 og 16:00.
Vegfarendur eru beðnir um að virða merkingar og hraðatakmarkanir og sýna aðgát við vinnusvæðin sem eru þröng og menn og tæki eru við vinnu mjög nálægt akstursbrautum.
Reykjanesbraut við Krýsuvíkurveg
Unnið er við mislæg vegamót Reykjanesbrautar og Krýsuvíkurvegar í Hafnarfirði. Umferð fer á kafla um hjáleið á Reykjanesbraut sunnan Hafnarfjarðar. Leyfður umferðarhraði þar er 50 km/klst.
Vegna vinnu við sprengingar á framkvæmdasvæðinu þarf að stöðva umferð á Reykjanesbraut í skamman tíma, allt að þrisvar sinnum á dag. Vegfarendur eru beðnir að sýna aðgát og virða merkingar við vinnusvæðið.
Krýsuvíkurvegi hefur verið lokað tímabundið, milli Rauðhellu og hringtorgs við Hraunhellu / Hringhellu. Merkt hjáleið er um Rauðhellu og Hringhellu á meðan lokun Krýsuvíkurvegar varir (u.þ.b. til 10 júní).
Umferðartafir á Hringvegi
Vegna endurbóta á Hringvegi í Reykjadal í Suður-Þingeyjarsýslu er umferðarhraði takmarkaður við 50 km/klst á framkvæmdasvæðinu fram í miðjan júlí. Þrengt er að umferð og má búast við lítilsháttar umferðartöfum á meðan framkvæmdir standa yfir. - Vegfarendur eru beðnir um að virða hraðatakmarkanir og sýna aðgát við vinnusvæðið þar sem menn og tæki eru við vinnu á og við akbrautina.
Búast má við umtalsverðum umferðartöfum á brúnni á Jökulsá í Lóni, um 20-30 mín í senn, milli kl 07.00 – 19.00 fram til 30. júní vegna framkvæmda.Hálendisvegir að vori og framan af sumri
Þegar frost
er að fara úr jörð getur jarðvegur orðið mjög gljúpur og viðkvæmur.
Þetta á m.a. við um lélega malarvegi og frumstæða slóða líkt og á
hálendinu. Akstur er þá bannaður til að koma í veg fyrir skemmdir, bæði á
vegunum sjálfum og landi og gróðri sem geta skemmst illa ef ekið er út
fyrir veg. Akstursbann nú víða á hálendinu.Lokun Eyravegar á Selfossi
Gatnamót Eyravegar og Kirkjuvegar á Selfossi eru lokuð vegna lagnaframkvæmda. Umferð er vísað hjáleið um Tryggvagötu meðan á framkvæmdum stendur. Vonast er til að vinnu ljúki í fyrstu viku júní. Sjá nánar hér.
Borgarfjarðarbrú
Vegna vinnu við Borgarfjarðarbrú er önnur akreinin lokuð og umferð er stýrt með ljósum. Áætluð verklok eru um miðjan júní.
