Umferðarþjónusta - Tilkynning - 6.3.2018

Færð og aðstæður

Það eru hálkublettir á fáeinum vegum á Suður og Suðvesturlandi, þ.á.m. Hellisheiði og Mosfellsheiði, en vegir þar eru þó að mestu auðir.

Á Vesturlandi eru víðast aðeins hálkublettir eða vegir alveg auðir.

Vetrarfærð er á Vestfjörðum, víðast hálka eða snjóþekja. Klettsháls er ófær eins og er.

Á Norðurlandi eru vegir að miklu leyti auðir austur í Skagafjörð en þar fyrir austan er hálka og sums staðar snjóþekja.

Eins er nokkur hálka eða snjóþekja á flestum vegum á Austur- og Suðausturlandi en eitthvað þyngri færð á fáeinum sveitavegum.

Skemmdir á slitlagi

Eftir veðurfarið að undanförnu hefur mikið borið á slitlagsskemmdum á vegum. Á þessum árstíma er aðeins hægt að bregðast við með ófullkomnum bráðabirgðaviðgerðum og því eru vegfarendur beðnir að sýna sérstaka aðgát við þessar aðstæður.