Umferðarþjónusta - Tilkynning - 5.3.2018

Færð og aðstæður

Vegir eru að heita má greiðfærir á Suður- og Suðvesturlandi en hálkublettir eru á köflum á Snæfellsnesi og í Dölum, raunar snjóþekja á Svínadal og á Skarðsströnd.

Hálkublettir, hálka eða snjóþekja er á vegum á Vestfjörðum og sumstaðar skafrenningur á fjallvegum.

Hálka er óveruleg á Norðurlandi vestra en frá Eyjafirði og austur á Austurland og Austfirði er víðast hvar hálka eða snjóþekja og allvíða éljagangur og skafrenningur.

Á Suðausturlandi eru vegir að mestu greiðfærir en sums stðarar hefur borið á sandfoki.

Skemmdir á slitlagi

Eftir veðurfarið að undanförnu hefur mikið borið á slitlagsskemmdum á vegum. Á þessum árstíma er aðeins hægt að bregðast við með ófullkomnum bráðabirgðaviðgerðum og því eru vegfarendur beðnir að sýna sérstaka aðgát við þessar aðstæður.

Þungatakmarkanir

Vegna hættu á slitlagsskemmdum hefur viðauki 1 sums staðar verið felldur úr gildi og ásþungi takmarkaður við 10 tonn. Á fáeinum vegum er ásþungi takmarkaður við 7 tonn.   Sjá nánar hér