Umferðarþjónusta - Tilkynning - 23.4.2017
Færð og aðstæður
Það er greiðfært um sunnanvert landið.
Á Vesturlandi eru hálkublettir á Holtavörðuheiði en annað er autt.
Á Vestfjörðum eru sums staðar hálkublettir á heiðum og hálsum en greiðfært að mestu á láglendi. Hrafnseyrarheiði og
Dynjandisheiði eru ófærar. Þæfingsfærð er úr Bjarnarfirði í Gjögur.
Vegir á Norðurlandi eru víðast auðir þótt hálkublettir séu á fáeinum köflum.
Það er hálka og skafrenningur á Möðrudalsöræfum og eins á Fjarðarheiði en annars eru vegir á Austurlandi ýmist aðeins með hálkublettum eða alveg auðir.
Tafir á Klettshálsi
Einhverjar tafir geta orðið á umferð um Klettsháls núna fram eftir degi meðan unnið er að því að ná upp flutningabíl sem fór þar útaf í liðinni viku.
Umferðartafir á Reykjanesbraut sunnan Hafnarfjarðar
Vinna er hafin við gerð
mislægra vegamóta Reykjanesbrautar í Hafnarfirði og Krýsuvíkurvegar.
Vegna framkvæmdanna þarf að takamarka umferðarhraða á framkvæmdasvæðinu og færa hann niður í 50 km/klst. Vegna sprenginga þarf að stöðva umferð um vinnusvæðið á Reykjanesbraut í skamman tíma, allt að þrisvar sinnum á dag. Umferð verður stöðvuð í 2-3 mínútur í senn af þessum sökum.
Vegfarendur eru hvattir til að sýna aðgát og virða umferðarmerkingar við vinnusvæðið.
Þungatakmarkanir
Vegna hættu á slitlagsskemmdum eru þungatakmarkanir á köflum á Vesturlandi og Vestfjörðum. Víðast er um að ræða 10 tonna ásþungatakmarkanir en þó er ásþungi takmarkaður við 7 tonn á Bíldudalsvegi (63) frá Bíldudalsflugvelli að Vestfjarðavegi (60) við Helluskarð og á Vestfjarðavegi (60) frá Flókalundi að Þingeyri.Borgarfjarðarbrú
Vegna vinnu við Borgarfjarðarbrú er önnur akreinin lokuð og umferð er stýrt með ljósum. Áætluð verklok eru um miðjan júní.
