Umferðarþjónusta - Tilkynning - 23.4.2017

Færð og aðstæður

Greiðfært er um Suður- og Vesturland að mestu en hálka er á Holtavörðuheiði og hálkublettir eru á Bröttubrekku og Fróðárheiði. 

Á Vestfjörðum eru sums staðar hálkublettir á heiðum og hálsum en greiðfært að mestu á láglendi. Ófært er á Hrafnseyrarheiði og Dynjandisheiði en vegna snjóflóðahættu verður ekki mokað fyrr en eftir helgi. 

Vegir á Norðurlandi vestra eru auðir að mestu en eitthvað er um hálku s.s. á Þverárfjalli og Öxnadalsheiði en hálkublettir eru á Vatnsskarði og á Siglufjarðarvegi.  

Á Norðausturlandi er vetra færð, hálka eða hálkublettir og mjög víða er éljagangur.

Hálka er á Möðrudalsöræfum og skafrenningur eins á Fjarðarheiði annars eru vegir auðir á Austurlandi.

Hálkublettir eru frá Kirkjubæjarklaustri í Vík og hálka á Reynisfjalli annars er greiðfært með Suðausturströndinni.

Umferðartafir á Reykjanesbraut sunnan Hafnarfjarðar

Vinna er hafin við gerð mislægra vegamóta Reykjanesbrautar í Hafnarfirði og Krýsuvíkurvegar.

Vegna framkvæmdanna þarf að takamarka umferðarhraða á framkvæmdasvæðinu og færa hann niður í 50 km/klst. Vegna sprenginga þarf að stöðva umferð um vinnusvæðið á Reykjanesbraut í skamman tíma, allt að þrisvar sinnum á dag. Umferð verður stöðvuð í 2-3 mínútur í senn af þessum sökum.

Vegfarendur eru hvattir til að sýna aðgát og virða umferðarmerkingar við vinnusvæðið.