Umferðarþjónusta - Tilkynning - 20.4.2017
Færð og aðstæður
Það er hálka í Þrengslum en hálkublettir á Hellisheiði og Mosfellsheiði, líkt og á flestum vegum á Suðurlandi.
Á Vesturlandi eru hálkublettir á Bröttubrekku og hálka á Holtavörðuheiði.
Hálkublettir eru víða á heiðum og hálsum á Vestfjörðum, raunar hálka á Steingrímsfjarðarheiði. Ófært er á Hrafnseyrarheiði og
Dynjandisheiði en hætt var við mokstur í dag vegna snjóflóðahættu. Þungfært er norður í Árneshrepp á Ströndum.
Hálka er á fáeinum köflum á Norðurlandi þótt víðast hvar séu aðeins hálkublettir eða alveg autt.
Það er víða greiðfært á Austurlandi en þó vetrarfærð á fjallvegum. Hálka er á Möðrudalsöræfum og Fjarðarheiði en hálkublettir eru á Vatnsskarði eystra, Fagradal, Oddsskarði og Breiðdalsheiði. Þæfingsfærð er á Mjóafjarðarheiði.
Greiðfært er með suðausturströndinni.
Umferðartafir á Reykjanesbraut sunnan Hafnarfjarðar
Vinna er hafin við gerð
mislægra vegamóta Reykjanesbrautar í Hafnarfirði og Krýsuvíkurvegar.
Vegna framkvæmdanna þarf að takamarka umferðarhraða á framkvæmdasvæðinu og færa hann niður í 50 km/klst. Vegna sprenginga þarf að stöðva umferð um vinnusvæðið á Reykjanesbraut í skamman tíma, allt að þrisvar sinnum á dag. Umferð verður stöðvuð í 2-3 mínútur í senn af þessum sökum.
Vegfarendur eru hvattir til að sýna aðgát og virða umferðarmerkingar við vinnusvæðið.
Þungatakmarkanir
Vegna hættu á slitlagsskemmdum eru þungatakmarkanir á köflum á Vesturlandi og Vestfjörðum. Víðast er um að ræða 10 tonna ásþungatakmarkanir en þó er ásþungi takmarkaður við 7 tonn á Bíldudalsvegi (63) frá Bíldudalsflugvelli að Vestfjarðavegi (60) við Helluskarð og á Vestfjarðavegi (60) frá Flókalundi að Þingeyri.Borgarfjarðarbrú
Hlé var gert á vinnu við Borgarfjarðarbrú um páskana og verða báðar akreinar opnar til 23. apríl. Athugið að framkvæmdum er ekki lokið og akreinar eru ekki í fullri vegbreidd. Umferðarstýring er á gulu blikki og hraði takmarkaður við 30 km/klst. Vinna hefst að nýju mánudaginn 24. apríl.