Umferðarþjónusta - Tilkynning - 16.1.2019
Færð og aðstæður
Höfuðborgarsvæðið: Hálkublettir á flestum leiðum.
Suðvesturland: Hálka er í Þrengslum, á Hellisheiði en hálka eða hálkublettir á flestum öðrum leiðum. Greiðfært er á Reykjanesbraut og á Kjalarnesi. Þæfingsfærð er á Grafningsvegi efri.
Vesturland: Hálka eða snjóþekja á vegum. Þæfingsfærð er á Laxárdalsheiði, Skógarströnd og í Álftafirði.
Vestfirðir: Snjóþekja, hálka eða hálkublettir er á vegum og eitthvað um éljagang. Snjóþekja og éljagangur er á Steingrímsfjarðarheiði og á Þröskuldum.
Norðurland: Hálka eða snjóþekja á vegum og víða éljagangur. Lokað er frá Ketilás að Siglufirði. Mokstur er hafin á flestum leiðum.
Norðausturland: Víða snjóþekja eða hálka og éljagangur eða skafrenningur. Þungfært er á Vopnafjarðarheiði. Mokstur er hafin á flestum leiðum.
Austurland: Snjóþekja eða hálka er á flestum leiðum. Þæfingur frá Fáskrúðsfirði að Streiti en ófært þaðan að Djúpavogi en verið að moka einnig er ófært á Vatnsskarði eystra. Þæfingsfærð er frá Hvalnesi að Höfn. Ófært er á Breiðdalsheiði og Öxi.
Suðausturland: Hálka er frá Höfn og í Vík og skafrenningur við Kvísker.
Suðurland: Hálka, hálkublettir eða snjóþekja er á vegum. Skafrenningur er á Lyngdalsheiði.
Fjaðrárgljúfur lokað
Vakin er athygli á að Umhverfisstofnun hefur lokað Fjaðrárgljúfri en lokunin verður endurskoðuð ekki síðar en 23. janúar. Þetta er gert bæði af öryggisástæðum og til að koma í veg fyrir frekari gróðurskemmdir á svæðinu. Bílastæðið er einnig lokað og ekki er hægt að leggja bílum í næsta nágrenni við svæðið.
Vaðlaheiðargöng
Leiðbeiningar um verð og greiðsluleiðir er að finna á vefnum https://www.veggjald.is/