Umferðarþjónusta - Tilkynning - 15.3.2018
Færð og aðstæður
Vegir eru að heita má auðir um allt sunnanvert landið, frá Faxaflóa austur á Firði en syðst á landinu er varað við talsvert miklum slitlagsskemmdum s.s. undir Eyjafjöllum, á Reynisfjalli og austur fyrir Kirkjubæjarklaustur. Verst er ástandið á kafla rétt austan við Klaustur.
Á Snæfellsnesi og í Dölum eru hálkublettir á fáeinum vegum. Eins eru víðast aðeins hálkublettir á Vestfjörðum. Búið er að opna veginn í Árneshrepp og þar er snjóþekja.
Á Norðurlandi eru vegir víðast hvar greiðfærir en þó er hálka á fáeinum útvegum og sums staðar eru hálkublettir.
Vegir á Austurlandi eru ýmist auðir eða aðeins í hálkublettum. Autt er með ströndinni suður um.
Slitlagsskemmdir
Eftir veðurfarið að undanförnu hefur mikið borið á slitlagsskemmdum á vegum. Á þessum árstíma er aðeins hægt að bregðast við með ófullkomnum bráðabirgðaviðgerðum og því eru vegfarendur beðnir að sýna sérstaka aðgát við þessar aðstæður.
Þungatakmarkanir
Vegna hættu á slitlagsskemmdum þarf sums staðar að takmarka ásþunga umfram það sem almennt gerist. Sjá nánar hér.Þingskálavegur
Þingskálavegur (vegur 268) er ófær vegna vatnaskemmda ofan við bæinn Hóla.
Hreindýr á Austur- og Suðausturlandi
Vegagerðin og Náttúrustofa Austurlands vara vegfarendur við umferð hreindýra á Austur- og Suðausturlandi.
