Umferðarþjónusta - Tilkynning - 14.3.2018

Færð og aðstæður

Vegir á Suður- og Suðvesturlandi eru að mestu greiðfærir.

Á Vesturlandi eru hálkublettir allvíða en á fáeinum vegum er hálka, snjóþekja eða krapi. 

Það eru hálkublettir á vegum á Vestfjörðum en hálka og skafrenningur er þó á Klettshálsi og snjóþekja og skafrenningur á Þröskuldum.

Á Norðurlandi er mikið til autt austur í Skagafjörð en þar fyrir austan er hált á köflum og sums staðar snjóþekja.

Hálka eða snjóþekja er á vegum á Austurlandi, raunar þæfingur á Fjarðarheiði, en greiðfært er svo með suðausturströndinni.

Skemmdir á slitlagi

Eftir veðurfarið að undanförnu hefur mikið borið á slitlagsskemmdum á vegum. Á þessum árstíma er aðeins hægt að bregðast við með ófullkomnum bráðabirgðaviðgerðum og því eru vegfarendur beðnir að sýna sérstaka aðgát við þessar aðstæður.