Umferðarþjónusta - Tilkynning - 13.3.2018

Færð og aðstæður

Vegir á Suður- og Suðvesturlandi eru að mestu greiðfærir en hálkublettir eru þó á köflum á Suðurnesjum.

Á Vesturlandi eru vegir að mestu greiðfærir en hálkublettir eða hálka á Snæfellsnesi og í Dölum.

Það er hálka eða hálkublettir á vegum á Vestfjörðum.

Vegir eru nánast auðir í Húnavatnssýslu en hálkublettir eru á Þverárfjalli og hálka eða hálkublettir víða í Skagafirði.  Á Norðausturlandi er hálka eða hálkublettir á vegum og skafrenningur með ströndinni.

Hálka eða snjóþekja er á vegum á Austurlandi og víða skafrenningur. Ófært er á Vatnsskarði eystra.

Snjóþekja, krapi og snjókoma er með suðurströndinni og víða frekar hvasst. Hvassviðri er undir Eyjafjöllum og á Reynisfjalli.

Skemmdir á slitlagi

Eftir veðurfarið að undanförnu hefur mikið borið á slitlagsskemmdum á vegum. Á þessum árstíma er aðeins hægt að bregðast við með ófullkomnum bráðabirgðaviðgerðum og því eru vegfarendur beðnir að sýna sérstaka aðgát við þessar aðstæður.