Umferðarþjónusta - Tilkynning - 13.2.2019
Færð á vegum
Suðvesturland: Allvíða hálkublettir og sumstaðar hálka.Vesturland: Mikið autt eða aðeins í hálkublettum en þó hálka m.a. á Holtavörðuheiði, Fróðárheiði og Laxárdalsheiði.
Vestfirðir: Hálka eða hálkublettir víðast hvar.
Norðurland: Sumstaðar nokkur hálka eða snjóþekja, einkum á fjallvegum og útvegum.
Norðausturland: Hálka eða snjóþekja á flestum vegum.
Austurland: Það er hálka á fjallvegum og til landsins en hálkublettir eða jafnvel greiðfært með ströndinni.
Suðausturland: Greiðfært austan til en sumstaðar nokkur hálka vestan Öræfa.
Suðurland: Víða greiðfært eða aðeins hálkublettir en hálka er þó sumstaðar á útvegum og í innsveitum, raunar flughált í Neðri Grafningi.
Ábending um hálkuvarnir
Þegar kalt er í veðri og stífur vindur getur hálkuvörn bundist illa við yfirborð vegar. Hluti hálkuvarnarefnis fýkur af við dreifingu og öðrum hluta feykir umferð burt. Vegur getur því verið háll áfram þrátt fyrir hálkuvarnir.
Framkvæmdir á Suðurlandsvegi
Vegna vinnu við að breikkun Hringvegar er hámarkshraði takmarkaður við 70 km/klst á um 3 km kafla frá Hveragerði austur að Kotstrandarkirkju. Á afmörkuðum köflum við Varmá og austur fyrir gatnamót að Ölfusborgum er hámarkshraði takmarkaður við 50 km/klst. Einnig á vestri enda Hvammsvegar við vegamótin að Hringvegi. Framúrakstur er bannaður á framkvæmdasvæðinu. Áætluð verklok eru 1. mars nk.
Vaðlaheiðargöng
Leiðbeiningar um verð og greiðsluleiðir er að finna á vefnum https://www.veggjald.is/