Umferðarþjónusta - Tilkynning - 12.3.2018

Færð og aðstæður

Vegir á Suður- og Suðvesturlandi eru að mestu greiðfærir en hálkublettir eru þó á köflum á Suðurnesjum og við Vík í Mýrdal.

Á Vesturlandi eru vegir að mestu greiðfærir í Borgarfirði en hálkublettir eða hálka á Snæfellsnesi og í Dölum.

Það er hálka, hálkublettir eða snjóþekja á vegum á Vestfjörðum.

Vegir eru nánast auðir í Húnavatnssýslu en hálka er á Þverárfjalli og hálka eða hálkublettir víða í Skagafirði.  Á Norðausturlandi er hálka eða snjóþekja á vegum.

Hálka eða snjóþekja er á vegum á Austurlandi og með suðausturströndinni  er hálka í Hvalnesskriðum og hálkublettir að Höfn en annars að mestu greiðfært.

Skemmdir á slitlagi

Eftir veðurfarið að undanförnu hefur mikið borið á slitlagsskemmdum á vegum. Á þessum árstíma er aðeins hægt að bregðast við með ófullkomnum bráðabirgðaviðgerðum og því eru vegfarendur beðnir að sýna sérstaka aðgát við þessar aðstæður.