Umferðarþjónusta - Tilkynning - 12.3.2018

Færð og aðstæður

Vegir á Suður- og Suðvesturlandi eru að mestu greiðfærir en hálkublettir eru þó á köflum á Suðurnesjum og Suðurstrandavegi.

Á Vesturlandi eru vegir að mestu greiðfærir í Borgarfirði en hálka eða hálkublettir á Snæfellsnesi og í Dölum. Ófært er á Útnesvegi en unnið að hreinsun.

Það er víða hálka, hálkublettir eða snjóþekja á  Vestfjörðum en þæfingsfærð á Þröskuldum. Ófært er á Klettshálsi en unnið að hreinsun.

Vegir eru nánast auðir í Húnavatnssýslu en hálka er á Þverárfjalli og hálka eða hálkublettir víða í Skagafirði. Þæfingsfærð er á Öxnadalsheiði en unnið er að hreinsun. Á Norðausturlandi er hálka eða snjóþekja á vegum en þungfært á Hólasandi.

Hálka eða snjóþekja er á vegum á Austurlandi og éljagangur eða snjókoma á Fjörðunum. Það er hálka í Hvalnesskriðum og hálkublettir á köflum með suðausturströndinni.

Skemmdir á slitlagi

Eftir veðurfarið að undanförnu hefur mikið borið á slitlagsskemmdum á vegum. Á þessum árstíma er aðeins hægt að bregðast við með ófullkomnum bráðabirgðaviðgerðum og því eru vegfarendur beðnir að sýna sérstaka aðgát við þessar aðstæður.