Tilkynning um færð og ástand
Umferðarþjónusta - Tilkynning - 12.12.2017
Vinna við Miklubraut
Í dag, þriðjudaginn 12. desember, er verið að taka niður öryggisgirðingar á Miklubraut: Unnið er frá Snorrabraut til austurs í átt að Lönguhlíð fram eftir degi. Hraði um vinnusvæðið er lækkaður í 50 km/klst. og eru vegfarendur beðnir að sýna aðgát og virða merkingar.
Færð og aðstæður
Það er krap á Mosfellsheiði, Lyngdalsheiði og á Þingvallasvæðinu. Á Suðurlandi eru annars víðast hvar aðeins hálkublettir en sums staðar er hált eða jafnvel flughált á einstaka vegi. Þæfingsfærð er á Kjósarskarði.Nokkur hálka er á Vesturlandi, einkum á fjallvegum en sums staðar hefur myndast ísing og þar er jafnvel flughált. Hálka og snjóþekja er á vegum á Vestfjörðum. Flughált er á Innstrandavegi og í Kollafirði. Ófært er yfir Dynjandisheiði og Hrafnseyrarheiði.
Hálka eða hálkublettir eru flestum vegum á Norðurlandi og austur yfir öræfin.
Það er mikið autt á Héraði en hálka á Fjarðarheiði og Fagradal. Á Austfjörðum og með suðausturströndinni er hiti ýmist í kringum núllið eða í plús og krapi eða hálka á vegum, jafnvel flughált á köflum.
Breiðafjarðarferjan Baldur
Breiðafjarðarferjan Baldur er í viðgerð og á meðan er vetrarþjónusta við suðurfirði Vestfjarða lengd til klukkan 20:00.
Hálendisvegir
Vegir á hálendinu eru flestir ófærir enda engin þjónusta á þeim á þessum árstíma. Allur akstur er bannaður á vegi 864 fyrir austan Jökulsá á Fjöllum vegna skemmda í veginum.