Umferðarþjónusta - Tilkynning - 12.11.2018
Færð og aðstæður
Suðurland: Hálka er á þjóðvegi 1 frá Eyjafjöllum og austur fyrir Vík í Mýrdal. Hálkublettir eru á Lyngdalsheiði og nokkuð víða í uppsveitum.
Suðvesturland: Hálkublettir eru á Hellisheiði, Þrengslum og Mosfellsheiði.
Vesturland: Hálka er á Mýrum en hálkublettir eru á Holtavörðuheiði, Fróðárheiði og Heydalsvegi (55).
Norðurland: Hálka er á Vatnsskarði, hálkublettir eru í Langadal, Öxnadalsheiði og Út-Blönduhlíð aðrar leiðir eru að mestu greiðfærar.
Norðausturland: Hálkublettir eða krapi er víða inn til landsins. Greiðfært er um Norðausturveg (85) Þoka er á nokkrum fjallvegum.
Austurland: Snjóþekja er á Fjarðarheiði en hálkublettir á Öxi aðrar leiðir eru að mestu greiðfærar.
Suðausturland: Hálka er á Mýrdalssandi en hálkublettir í Eldhrauni að Gígjukvísl.
Þungatakmarkanir á Bíldudalsvegi (63)
Ásþungi er nú takmarkaður við 7 tonn á Bíldudalsvegi ( 63)
frá Hvassanesflugvelli ađ Helluskarði (gatnamót Vestfjarðavegar (60) og
Bíldudalsvegar).
Umferðartafir við Svínafellsá í Öræfum
Vegna vinnu við endurbætur á brúnni yfir Svínafellsá í Öræfum má reikna með smávægilegum töfum mánudaginn 12. nóvember. Á þriðjudag, miðvikudag og fimmtudag má síðan búast við talsverðum umferðartöfum allt að 40 mínútum í senn og verður umferð stýrt með umferðarljósum i gegnum vinnusvæðið.
Framkvæmdir á Grindavíkurvegi
Það standa yfir framkvæmdir á Grindavíkurvegi, milli afleggjara að Seltjörn og Bláa Lónsins. Verið er að breikka veginn og þarf á hluta framkvæmdatímans að mjókka hann töluvert. Unnið er á einni akrein í einu og umferðarhraði tekinn niður. Búast má við einhverjum umferðartöfum en áætluð verklok eru í árslok 2018.
Framkvæmdir á Esjumelum
Verið er að byggja hringtorg á Esjumelum við Norðurgrafarveg og auk þess er unnið þar að undirgöngum fyrir gangandi ásamt tilheyrandi vega- og stígagerð. Umferð um Vesturlandsveg er beint um hjáleið framhjá vinnusvæðinu. Hámarkshraði um framkvæmdasvæðið er 50 km/klst.
Aukin þjónusta á Hrafnseyrarheiði
Vegna framkvæmda við Dýrafjarðargöng verður tímabundið aukin vetrarþjónusta á Hrafnseyrarheiði í tvær til þrjár vikur. Á Dynjandisheiði verður minni þjónusta. Vegfarendur eru beðnir um að athuga færðarskráningu áður en lagt er af stað.
Hálendið
Engin þjónusta er á hálendisvegum á þessum árstíma og færð þar er ekki könnuð. Vegfarendur eru beðnir að hafa það í huga áður en farið er inn á hálendið.
