Umferðarþjónusta - Tilkynning - 10.3.2018

Færð og aðstæður

Vegir á Suðurlandi eru greiðfærir en hálka eða hálkublettir eru á köflum á Suðurnesjum.

Hálka eða snjóþekja er á utanverðu Snæfellsnesi en Fróðárheiði er ófær. Vegir á Vesturlandi eru að öðru leyti mikið til greiðfærir.

Snjóþekja er á fjallvegum á sunnanverðum Vestfjörðum og skafrenningur. Annars er víðast hvar nokkur hálka á vegum á Vestfjörðum.

Á Norðurlandi vestra eru vegir að miklu leyti auðir en þar fyrir austan er víðast hvar hálka eða snjóþekja.

Hálka eða snjóþekja er á flestum vegum á Austurlandi en vegir með suðausturströndinni eru greiðfærir.

Skemmdir á slitlagi

Eftir veðurfarið að undanförnu hefur mikið borið á slitlagsskemmdum á vegum. Á þessum árstíma er aðeins hægt að bregðast við með ófullkomnum bráðabirgðaviðgerðum og því eru vegfarendur beðnir að sýna sérstaka aðgát við þessar aðstæður.