Umferðarþjónusta - Tilkynning - 10.3.2018

Færð og aðstæður

Vegir á Suðurlandi eru greiðfærir en snjókomubakki hefur komið inn á Reykjanesskagann og þar er því sums staðar hálka eða snjór á vegum. Hálka er bæði á Reykjanesbraut og Grindavíkurvegi en verið er að hreinsa Suðurstrandarveginn og búið að stinga í gegn á Festarfjallinu þar sem var ófært.

Verið er að hreinsa vegi á utanverðu Snæfellsnesi en þó verður ekki mokað í dag yfir Fróðárheiði sem er ófær. Vegir á Vesturlandi eru að öðru leyti mikið til greiðfærir.

Það er snjóþekja á fjallvegum á Sunnanverðum Vestfjörðum en annars er þar víðast hvar nokkur hálka.

Á Norðurlandi vestra eru vegir að miklu leyti auðir en þar fyrir austan er víðast hvar hálka eða snjóþekja.

Hálka eða snjóþekja er á flestum vegum á Austurlandi en vegir með suðausturströndinni eru greiðfærir.

Skemmdir á slitlagi

Eftir veðurfarið að undanförnu hefur mikið borið á slitlagsskemmdum á vegum. Á þessum árstíma er aðeins hægt að bregðast við með ófullkomnum bráðabirgðaviðgerðum og því eru vegfarendur beðnir að sýna sérstaka aðgát við þessar aðstæður.