Umferðarþjónusta - Tilkynning - 10.2.2019
Ábendingar frá veðurfræðingi
10. feb. kl. 19:00
Á undan hitaskilum í fyrramálið, versnar eftir kl. 8 með skafrenningi. Frá kl. 10: 15-20 m/s með hríð og takmörkuðu skyggni frá Sandskeiði og austur fyrir Fjall. Lægir og hlánar upp úr kl. 13 til 14. Eins í Þrengslum, Mosfellsheiði og á Lyngdalsheiði.
Færð á vegum
Suðvesturland: Víðast hvar greiðfært en hálkublettir eru á Mosfellsheiði og Bláfjallavegi og hálka á Kjósarskarði og Krýsuvíkurvegi.
Vesturland: Hálka, hálkublettir eða snjóþekja. Þæfingur er í Haukadal og á Heydal.
Vestfirðir: Hálka, hálkublettir eða snjóþekja á flestum vegum. Þungfært eða þæfingur víða á Ströndum.
Norðurland: Hálka eða hálkublettir víðast hvar. Snjóþekja er á Hegranesvegi, Reykjastrandarvegi og í Dalsmynni en þæfingur er á Hörgárdalsvegi og innst á Eyjafjarðarbraut. Þungfært er inn af Ólafsfirði.
Norðausturland: Hálka eða snjóþekja víðast hvar og einhver éljagangur. Ófært er um Hólasand.
Austurland: Hálka eða snjóþekja á flestum aðalleiðum en sumstaðar þungfært eða ófært á sveitavegum.
Suðurland: Þjóðvegur 1 er að heita má greiðfær en sumstaðar er nokkur hálka á öðrum vegum.
Ábending um hálkuvarnir
Þegar kalt er í veðri og stífur vindur getur hálkuvörn bundist illa við yfirborð vegar. Hluti hálkuvarnarefnis fýkur af við dreifingu og öðrum hluta feykir umferð burt. Yfirborð vegar getur því orðið hált áfram þrátt fyrir hálkuvarnir.
Framkvæmdir á Suðurlandsvegi
Vegna vinnu við að breikkun Hringvegar er hámarkshraði takmarkaður við 70 km/klst á um 3 km kafla frá Hveragerði austur að Kotstrandarkirkju. Á afmörkuðum köflum við Varmá og austur fyrir gatnamót að Ölfusborgum er hámarkshraði takmarkaður við 50 km/klst. Einnig á vestri enda Hvammsvegar við vegamótin að Hringvegi. Framúrakstur er bannaður á framkvæmdasvæðinu. Áætluð verklok eru 1. mars nk.
Vaðlaheiðargöng
Leiðbeiningar um verð og greiðsluleiðir er að finna á vefnum https://www.veggjald.is/
