Umferðarþjónusta - Tilkynning - 10.2.2019
Færð á vegum
Suðvesturland: Víðast hvar greiðfært en hálkublettir eða hálka á
nokkrum vegum.
Vesturland: Hálka, hálkublettir eða snjóþekja. Þæfingur er á Skógarströnd, í Haukadal og í Heydal.
Vestfirðir: Hálka, hálkublettir eða snjóþekja á flestum vegum. Þungfært víða á Ströndum.
Norðurland: Víðast hvar hálka eða snjóþekja og eitthvað um éljagang. Þæfingsfærð er í Almenningum.
Norðausturland: Snjóþekja eða hálka víðast hvar. Þungfært er yfir Vopnafjarðarheiði og innansveitar í Vopnafirði og ófært er um Hólasand.
Austurland: Hálka eða snjóþekja og einhver snjókoma. Þæfingsfærð og skafrenningur eru á Fjarðarheiði og þungfært er víða á Héraði en ófært er á Borgarfjarðarvegi norður af Eiðum, á Hróarstunguvegi og Skriðdal.
Suðurland: Þjóðvegur 1 er nokkuð greiðfær en sumstaðar er nokkur hálka eða hálkublettir á öðrum vegum.
Ábending um hálkuvarnir
Kalt veður með stífri norðanátt hefur mótað aðstæður á vegum þannig að hálkuvörn binst illa við yfirborð vegar. Hluti hálkuvarnarefnis fýkur af við dreifingu og öðrum hluta feykir umferð burt. Yfirborð vegar getur því orðið hált áfram þrátt fyrir hálkuvarnir.
Framkvæmdir á Suðurlandsvegi
Vegna vinnu við að breikkun Hringvegar er hámarkshraði takmarkaður við 70 km/klst á um 3 km kafla frá Hveragerði austur að Kotstrandarkirkju. Á afmörkuðum köflum við Varmá og austur fyrir gatnamót að Ölfusborgum er hámarkshraði takmarkaður við 50 km/klst. Einnig á vestri enda Hvammsvegar við vegamótin að Hringvegi. Framúrakstur er bannaður á framkvæmdasvæðinu. Áætluð verklok eru 1. mars nk.
Vaðlaheiðargöng
Leiðbeiningar um verð og greiðsluleiðir er að finna á vefnum https://www.veggjald.is/
