Umferðarþjónusta - Tilkynning - 10.2.2019
Færð á vegum
Suðvesturland: Víðast hvar greiðfært en hálkublettir eða hálka á
nokkrum vegum.
Vesturland: Hálka, hálkublettir eða snjóþekja. Þæfingur er á Skógarströnd, í Haukadal og í Heydal. Enn vantar upplýsingar af svæðinu.
Vestfirðir: Hálka, hálkublettir eða snjóþekja á flestum vegum. Þæfingur er yfir Þröskulda og þungfært á Klettshálsi og eins víða á Ströndum. Enn vantar upplýsingar víða að af svæðinu.
Norðurland: Víðast hvar hálka eða snjóþekja og eitthvað um éljagang. Þæfingur er á Þverárfjalli og í Almenningum en ófært er um Víkurskarð og í Fljótum.
Norðausturland: Snjóþekja eða hálka víðast hvar. Þungfært er um Brekknaheiði en ófært er um Hólasand og yfir Hófaskarð. Enn vantar upplýsingar víða að af svæðinu.
Austurland: Hálka, snjóþekja og snjókoma víða. Ófært er um Fjarðarheiði og Fagradal en unnið er að mokstri. Þungfært er á Þjóðvegi 1 norður af Egilsstöðum sem og víða á Héraði. Enn vantar einhverjar upplýsingar af svæðinu.
Suðurland: Þjóðvegur 1 er nokkuð greiðfær en sumstaðar er nokkur hálka eða hálkublettir á öðrum vegum.
Ábending um hálkuvarnir
Kalt veður með stífri norðanátt hefur mótað aðstæður á vegum þannig að hálkuvörn binst illa við yfirborð vegar. Hluti hálkuvarnarefnis fýkur af við dreifingu og öðrum hluta feykir umferð burt. Yfirborð vegar getur því orðið hált áfram þrátt fyrir hálkuvarnir.
Framkvæmdir á Suðurlandsvegi
Vegna vinnu við að breikkun Hringvegar er hámarkshraði takmarkaður við 70 km/klst á um 3 km kafla frá Hveragerði austur að Kotstrandarkirkju. Á afmörkuðum köflum við Varmá og austur fyrir gatnamót að Ölfusborgum er hámarkshraði takmarkaður við 50 km/klst. Einnig á vestri enda Hvammsvegar við vegamótin að Hringvegi. Framúrakstur er bannaður á framkvæmdasvæðinu. Áætluð verklok eru 1. mars nk.
Vaðlaheiðargöng
Leiðbeiningar um verð og greiðsluleiðir er að finna á vefnum https://www.veggjald.is/
