Umferðarþjónusta - Tilkynning

Ábendingar frá veðurfræðingi

Víða á Vestfjörðum og vestantil á Norðurlandi hefur snjóað nokkuð frá í gærkvöldi. Á Steingrímsfjarðarheiði og Þröskuldum er hvasst og lítið skyggni, en skárra á Holtavörðuheiði. Dregur mikið úr bæði snjókomu og vindi, þegar líður á morguninn, einkum eftir kl. 10.

Færð og aðstæður

Vegir eru greiðfærir á Suður- og Suðausturlandi.

Á Vesturlandi eru hálkublettir á Bröttubrekku og hálka á Laxárdalsheiði en annars að mestu greiðfært.

Snjóþekja eða hálka er á flestum fjallvegum á Vestfjörðum. Þungfært er á veginum norður í Árneshrepp. Ófært er á Hrafnseyrar- og Dynjandisheiði.  Vegir á láglendi eru að mestu greiðfærir.

Á Norðurlandi vestra er krapi nokkuð víða á láglendi en snjóþekja eða hálkublettir á fjallvegum og víða éljagangur.

Norðaustanlands eru hálkublettir á Hólasandi. Ófært er á Dettifossvegi. Greiðfært er að mestu á láglendi.

Á Austurlandi eru vegir að mestu greiðfærir en hálkublettir eru á Möðrudalsöræfum og Breiðdalsheiði. Vegurinn um Öxi er ófær.

Vinna við Borgarfjarðarbrú

Vegna vinnu við Borgarfjarðarbrú er önnur akreinin á brúnni lokuð  og er umferð stýrt með ljósum. Áætlað er að framkvæmdunum ljúki 20. júní nk.