Umferðarþjónusta - Tilkynning
Færð og aðstæður
Vegir eru greiðfærir á Suður- og Vesturlandi en þó eru hálkublettir á Holtvörðuheiði og Bröttubrekku. Snjóþekja er á Laxárdalsheiði.
Á Vestfjörðum eru hálkublettir eða snjóþekja á flestum fjallvegum og sumsstaðar skafrenningur. Snjóþekja er einnig norður í Árneshrepp.
Það er að mestu orðið autt á vegum á Norðurlandi vestra en þó er snjóþekja á Vatnsskarði og yst á Siglufjarðarvegi. Hálkublettir eru nokkuð víða á Norðausturlandi og snjóþekja kringum Mývatn, á Hólasandi og Dettifossvegi.
Á Austurlandi er snjóþekja eða hálkublettir á fjallvegum en að mestu autt á láglendi. Greiðfært er með suðausturströndinni.
Vinna við Borgarfjarðarbrú
Vegna vinnu við Borgarfjarðarbrú er önnur akreinin á brúnni lokuð og er umferð stýrt með ljósum. Áætlað er að framkvæmdunum ljúki 20. júní nk.
Þungatakmarkanir
Vegna hættu á slitlagsskemmdum er ásþungi sums staðar takmarkaður við tíu, eða jafnvel sjö tonn. Nánari upplýsingar má sjá hér