Almennt séð fer vindur vaxandi með hæð. Hér horfum við framhjá ýmsu því sem hefur áhrif á viðnám niður við jörð og lítum eingöngu til þess að hvað marki grunnvindurinn eykst eftir því hærra er farið. Fjöll hérlendis skaga þannig upp í það svæði lofthjúpsins þar sem meiri vindur ríkir en á láglendi. Vindurinn nær oftast hámarki í um 8.000 m. hæð, en annað vindahámark kemur oft fram í um 1.000 til 1.500 metra hæð þar sem viðnámslagi lofthjúpsins sleppir. Kortin á mynd 20 sýna vind í um 500 m.hæð og það til hægri í um 1.400 m.hæð dag einn snemma hausts í þann mund sem nokkuð djúp lægð var að fara yfir landið. Almennt séð vex vindurinn þarna á milli og hann snýr sér einnig meira til suðvesturs eftir því sem ofar dregur. Vindörin næst Ölfusi gefur þannig til kynna SSA 17 m/s í 500 m.hæð, en SSV 25 m/s í 1.400 m.hæð. Mynd 20 Vindur í 500 m. hæð (t.v.) og í 1.400 m hæð (t.h.). 3. september 2007 kl. 18. Spákort fengið af vefsvæði Veðurstofu Íslands. Til eru undantekningar frá þeirri almennu reglu að vindur vaxi með hæð. Þær helstu eru: