Almennar reglur
Reglugerð um umferðarmerki:

Umferðarmerki skulu sett þannig að þau sjáist greinilega, að jafnaði hægra megin við veg miðað við akstursstefnu.

Öll umferðarmerki, að boðmerkjum undanskildum, má setja báðum megin vegar ef þörf þykir. Ef tvær aðgreindar akbrautir eru á vegi má setja merki eða aukamerki á umferðareyju. Setja má merki yfir akbraut ef hagkvæmt þykir. Heimilt er að vegvísar og D06.11 , útskot, séu vinstra megin við veg miðað við akstursstefnu.

Vinnureglur um notkun utan þéttbýlis:
Stærð:
Að jafnaði skal nota stærri gerð merkja (A, B og C merki) þar sem ÁDU > 500.

Merkingar báðum megin:
Á tvíbreiðum akbrautum sem eru aðskildar frá umferð á móti má hafa A og B merki báðum megin akbrautar, þannig má t.d. hafa 2 biðskyldumerki þar sem 2 akreinar eru inn á hringtorg. Sjá sem dæmi mynd af merkingu hringtorga í þéttbýli.

Sýnileiki merkja:
Sérhvert umferðarmerki skal staðsett þannig að:

vegfarandi sjái það vel og tímanlega vegfarandi geti metið rétt aðstæður við merkingu á hættu, banni eða boði

Eftirfarandi töflur sýna lágmarkssjónlengd að hættu til að merkinga sé þörf og æskilega sjónlengd að umferðarmerki utan þéttbýlis.

Lágmarkssjónlengd að HÆTTU / HINDRUN til að merkinga sé þörf Umferðarhraði km/klst Sjónlengd m 50 50 60 70 70 90 80 120 90 150 100 180 110 210

Æskileg sjónlengd að UMFERÐARMERKI utan þéttbýlis Umferðarhraði km/klst Sjónlengd m 50 75 60 100 70 150 80 200 90 250 100 300 110 350

Afstaða til vegar:
Umferðarmerki skulu standa lóðrétt og hornrétt út frá vegi nema í beygjum, en þá má snúa þeim svo þau sjáist fyrr. Ef hætta er á að endurskin frá bílljósum geti blindað ökumann má snúa merkjum sem nemur 5° frá hornréttri stefnu. Undirmerki skal ávallt snúa einsog aðalmerki. Sjá skýringarmynd hér að neðan.


Samræmi í merkingum:
Að öllu jöfnu skal merkja bann / viðvörun báðum megin staðar þar sem bannið eða viðvörunin nær til og hafa samræmi í merkingu, t.d. sama hraða.

Að setja merki saman:
Ekki er leyfilegt að setja umferðarmerki með mismunandi lögun saman þannig að lögun merkis greinist ekki. Þar sem ætlast er til að vegfarandi þekki A06.11 og B19.11 á bakhliðinni skal forðast að setja umferðarmerki á bakhlið þeirra nema tryggt sé að lögun þeirra sjáist greinilega.

Fjöldi merkja og röð:
Heimilt er að setja tvö umferðarmerki og eitt undirmerki á sama stólpa. Undirmerki skal alltaf vera undir því merki sem það á við.

Undirmerki vísar til merkis A	Undirmerki vísar til merkis A og B	Undirmerki vísar til merkis B	Efra undirmerki vísar til merkis A en neðra til merkis B

Ef undirmerki er bætt við aðalmerki mælist lágmarks hæð í neðri brún undirmerkis en ekki í neðri brún aðalmerkis, nema þegar undirmerki er látið snúa upp eða niður, t.d. þegar undirmerki J01.51/52/61 eru notuð .

Merki skulu vera í þessari röð á stólpum:
A. Viðvörunarmerki
B. Bannmerki
C. Boðmerki
Viðvörunarmerkin skulu vera efst, því næst bannmerkin og þá boðmerkin.
Ekki skal setja upplýsinga- og/eða þjónustumerki með A, B eða C merkjum.



Reglur um fjarlægðir s.s. hæðir og bil

Reglugerð um umferðarmerki:
Merki skal festa á jarðfasta stöng í hæfilegri fjarlægð frá vegarbrún. Hæð mæld frá vegi að merki skal að jafnaði vera nálægt 1,5 m, en allt að 2,2 m í þéttbýli eða annars staðar þar sem aðstæður eru þannig að merki geti valdið hættu fyrir gangandi vegfarendur. Hæð merkis mæld frá vegi má vera 0,8 m [1,0 m í reglugerð] ef tryggt er að merkið hindrar ekki vegsýn vegfarenda á hliðarvegi. Hæð merkjanna F03.11 , F03.51 og F04.11 mæld frá vegi skal þó að jafnaði vera u.þ.b. 0,5 m.

Vinnureglur um notkun:
Hæfilegt fjarlægð A-E (og J) merkja frá vegarbrún er 1 - 1,5 m.

Minni F merki (t.d. staðarvísar) eiga að jafnaði að vera 3 m frá vegarbrún en stærri F merki (t.d. töfluleiðamerki) á bilinu 4-6 m. Hæð og staðsetning merkja skal vera þannig að þau skyggi ekki á vegsýn ökumanna yfir gatnamót og aðliggjandi vegi. Nánar sjá reglur um uppsetningu vegvísa.

Skilti yfir akbraut:
Ef nauðsynlegt er að setja umferðarskilti yfir akbraut skal lágmarkshæð upp í það eða festingar þess vera 4,8m. Þetta gildir ekki ef mannvirki yfir akbraut eru lægri.

K merki eiga að jafnaði að vera sem næst þeirri hættu sem þau vara við.

Bil milli merkja:
Þegar ekki er hægt að setja 2 umferðarmerki á sömu stöng á þjóðvegum utan þéttbýlis þarf bil á milli umferðarmerkja (stanga) að vera a.m.k. 50 m sömu megin vegar, þ.e. fyrir umferðarmerki sem gilda fyrir umferð í sömu átt. Að jafnaði skal reynt að hafa 100 m bil þar sem leyfilegur hraði er meiri en 60 km/klst.

Á 1-2 stafa vegnúmerum skulu þjónustumerki þó vera minnst 250 m frá öðrum merkjum.

Myndir af uppsetningu umferðarmerkja


Séraðstæður innan þéttbýlis:
Fjarlægð merkja frá vegarbrún og hæð er þannig að hún valdi sem minnstri hættu fyrir ökumenn og gangandi vegfarendur.

Staðsetning skilta sem eru aðskilin frá gangbraut

Staðsetning skilta sem eru á gangbraut

Nánar er fjallað um staðsetningu umferðarmerkja á skýringarmyndum með einstaka merkjum og vegköflum.

Stólpar og Festingar
Eftirgefanlegar festingar (e. lattix)