| Endurskin yfirborðsmerkinga:
Vegmerkingar skiptast í vegmálningu og vegmassa. Vegmálning er mun þynnri en vegmassi og er hún notuð á fáfarnari leiðum.
Til að ná endurskini í vegmálningu er svokölluðum fallperlum (e. drop-on) sprautað yfir blauta málningu, þ.e. um leið og málningin er máluð á veginn.
Til að ná endurskini í vegmassa er fallperlum einnig sprautað yfir massann en að auki inniheldur vegmassinn svokallaðar blöndunarperlur (e. premix) sem eru oftast um 25% af heildarmassa vegmassans. Þeim mun hærra hlutfall blöndunarperla þeim mun hærra endurskin þegar línan slitnar.
Mikilvægt er fyrir virkni glerperlanna að þær sitji rétt í yfirborðinu.
Ef perlurnar liggja ofan á yfirborðinu gefa þær lítið endurskin.
Ef perlurnar liggja of ofarlega í yfirborðinu vilja þær losna úr vegna umferðarálags.
Ef perlurnar liggja of neðarlega í yfirborðinu gefa þær minna endurskin. |
| Glerperlur í yfirborði vegmerkinga endurvarpa ljósi til ljósgjafans og þar í kring.
|
Ljósið frá bílnum endurkastast til bílsins |
Í bleytu tapast endurskin þar sem minni hluti ljóssins fer til baka. Stærri perlur skila betra endurskini. |